Батанічная экскурсія

Вясна – час, калі абуджаюцца дрэвы і зёлкі. Для нашых продкаў гэта быў час першага ўраджаю. Так! Я не памыліўся. Менавіта ў Беларусі і менавіта першага ўраджаю. Гэта быў ураджай зёлак ці "зелля", які істотна разнастайніў бедны зімовы рацыён сялянаў і вяртаў моц перад вясновымі працамі.

Калі вы хочаце пачуць, як варушыцца магутны сок новага жыцця ў векавых дрэвах і як вільготная зямля нараджае маладую зеляніну, навучыцца распазнаваць ядомыя зёлкі, не рызыкуючы пераблытаць іх з атрутнымі, і навучыцца гатаваць з іх карысныя стравы, – чакаем вас на экскурсіі”.

Запрашаем школьнікаў і дарослых на экскурсіі батаніка, фізіёлага, магістра рэабілітацыі Алеся Спіцына.

Батанічныя экскурсіі:

• “Першае веснавое зелле і стравы з яго”,
• “Паркі Сёмкава”,
• “Зёлкі сядзібна-паркавага комплексу Сёмкава”,
• “Зёлкі і кветкі сядзібных палёў”.

Працягласць кожнай экскурсіі 1-2 гадзіны.

Дадатковыя прапановы:

• Экскурсія + лекцыя па рэабілітацыі зёлкамі пад гарбату;
• Экскурсія + майстар-клас па фларыстыцы;
• Экскурсія + збор раслін пад кіраўніцтвам спецыяліста для ўласнай "зялёнай аптэчкі".